GARA SCIALPINISTICA Sellaronda Skimarathon del 23/02/2007

Beh, gh'e' zerte robe che se diseria de no poder far mai e poi mai.... Po' vist che i me soci i ha deciso de farla, e mi no me sentivo da men, quando i ho visti convinti, no me som zerto tira' endrio! Za' e' sta' n'odissea riusirne a iscriver tra tessere FISI, certificati e fax de prima mattina, vist che dopo tre ore i eva za' sera' le iscriziom. Po' quando all'8 de febrar i mete for l'elenco dei partecipanti: ghe sem rento! ...a pei zonti.... gh'e' da nar! Mi som en coppia col Matteo. El Max l'e' col Claudio. E' sta' za' na vittoria riusirne a iscriver, adess besogna pensar alla gara: de zerto vista la zent en campo (vicecampioni del mondo...) no g'avem zerto la pretesa del podio: el me obiettivo l'e' arivar a farla tutta entro i limiti stabilidi: i famosi cancelletti. E cosi', dopo aver pasa' la sera a cargar zaini ecco che arriva il grande giorno. La matina laoro, e dopo esserme quasi desmentega' de trar zo qualcos (pasta ovviamente) per disnar ne trovem alle 1 e 20 al Zuffal Park e carga' el Westfalia del Max, via che se parte tutti gasai. Poc dopo le 3 arivem a Selva Gardena e trova' en parcheggio nem all'ufficio gare a ritirarne el pettoral, el gadget, i oroloi magnetici (da ligar al polso destro per cronometrar i intertempi) e na "bomba" offerta a tutti i iscritti da tor zo 30 minuti prima dell'inizio della gara (sa ghe sara' sta' zo?). All'ufficio gare encontrem anca i istruttori del corso SAT de Roveredo, anca lori qi per partecipar. Dopo na pausa caffe' al bar (g'ho bem prova' a propor en giro de birre, ma no som sta' massa convincente) ne cacciem nel furgom a tirarne a um. Allora, come se veste n'agonista per far n'impresa del genere? Tutina (tutti for che mi che resto fedele alle me braghe della Montura e en micorpile con sotto na maieta traspirante e sora en windstopper da MTB), casco con frontalino e frontalona da 20 Watt (a parte el Teo che gareggiando con mi el g'ha sol el frontalim: la luce en discesa ghe la faro' co la me frontal), arva e en tel zaino kit de prontosoccorso con telo termico, giaccavento, 2 coppie de pel de foca de ricambio, scotch americano, camelback (sol mi), borraccia esterna (rigorosamente cargae de sali minerali), 2 barrette energetiche e 2 bombe "energia pura" (da mi ciamae pu' semplicemente "olio motor": da potenti che le e' le doveria tira su en mort dalla cassa....), na fascetta per le recie, en par de ociai da saldador (se fioca, la not se se dopra la maschera da sci oscurante no se vede for nient!) e na straza de moletom per sugar i sci prima de ncolarghe le pel. El cardio? El laso en macchina. Per l'agitaziom, en tei preparativi della sera prima ho scavezza' anca en me bachet da sci: g'ho en bastoncim per sorta (un pu' pesante dell'altro). Ghe sem. Tolta la "medicina" ne enviem vers l'arena che l'e' le 5, per far el controllo materiali prima della partenza. I campi de "concentramento" i e' 2: el prim, pu' envanti l'e' per i campioni (50 coppie) e drio en te l'altro gh'e' tutti i altri 620 partecipanti. Dopo aver sauda' el Thomas de Cles entant che el se enfileva rento en te l'arena dei campioni ne preparem enfila e arriva a tifar per noi anca i soi del Matteo: l'Elvira e l Sergio: che grandi! Manca ancor 3 minuti e som ancor li' preoccupa' che no sente massa envanti (la mandria la ne passa sora quando i parte!) che i da' el via. La partenza l'e' impressionante: a passo svelto, tutt el gruppom! Passando sotto en pont tutti gasai se ziga anca, po' se taca' na dolza salita e subit i me da' dentro coi sci e i me gira l'azatac: diaolopo'! No passa neanca en minut che i me pesta sulla pel e i me la cava! diaolocan! Me fermo, la reingancio, ne aprofitto per sistemar l'alazatac e via che ripartim. Dopo en chiometro sentim drio le vozi del Max e del Claudio (ero convint i fussa davanti!): el prim cancelet el fem con lori a 4. Po' en realta' quando la se empenna i me passa davanti e i lasso nar (anca el Teo!). A meza salita me se affianca e me riconos el Luca e el Bepi (avem fat l'allenamento ensema do stimane fa sul Gross Moseler)! Ghe digo che el me compaign l'e' scampa' e i laso pasarme davanti (de poc!). Avanti a testa bassa e ariva' enzima, monzu', sento el Teo che me ciama davanti al cancelet. Ero pront a tirarghe le recie perche' nol m'aveva aspetta', ma anca sto colp el me amico nol finiss mai de stupirme: en pratica l'e' ariva' su prima per cavarse le pel en anticipo e cosi' ariva' su mi: g'ha pensa' lu' anca alle mie! L'e' en grande! No me som neanca rendu' cont de esser arriva' al passo Gardena che za' ero li' che me fiondevo en zo: besoign mantegnir la velocita' se no se vol sketinar 3 chilometri per entrar a Corvara! Quasi no me ricordo de aver sketina'.... Su le pel, bevem 3/4 bicieri pasai dai organizzatori e pasem el cancelet con 25 minuti de anticipo sul tempo limite. Buono! Forse massa... Ripartim col Max e l Claudio per i eterni pianori che ne svizina al Campolongo (e mi, me som brusa' subit le pel da gara, diaolopo'! Me toca za meter su quelle sciancrae). Dopo na mezzora de finta salita, prima de empontar la famosa pontera del skilift (la pu' erta della gara) gh'e' en toc de discesa, passo davanti e qi encontro anca el Sergio e l'Elvira che en macchina i n'ha segui' per farne el tifo! El Teo el se ferma n'attimo a saludarli e trar zo qualcos, mi me porto envanti ( e laso endrio anca el Max e l Claudio). Pasada la pontera del skilift el Teo el me ripassa davanti e cavae le pel, zo de bala vers Arabba! La temperatura l'e' ottima: no avem mai pers temp a metter su la giacca! En te n'attimo, (soprattutto el me compaign, che el va zo come en balim anca se l g'ha sol el frontalim) sem zo. No me par vera: sem za' a meta' e con 40 minuti de anticipo sui cancelletti: adess podem tornela pu' comoda. E via che ripartim per el Pordoi: meto en bocca en toc de barretta ma nol vol saerghem de passar zo: me toca momolar na mezzora! I muscoi delle gambe i risponde ancor, ma rallentem en pel el pass perche' g'ho en pel de mal de fegato (l'e' colpa delle birre!). Arivem a tornela comoda e addiritura trovem el temp de fermarne n'atimo anca per na zifolada. El Pordoi, anca se nol g'ha tant dislivell l'e' eterno! Nol finiss pu'! Arrivo enzima che som propri a passi.... e chi reincontrem i nosi tifosi co l'Elvira che ne ziga drio:"dai che se stai anca massa bravi! Ritireve, che va za' bem cossi'!". Ma ormai ghe credevem de poderghela far e se ciava se scominzio a accusar crampi, me togo zo n'olio motor e tachem la discesa su Canazei. Arivem en paess (con quattro brutte curve engiazade) con na mezz'ora comoda sul cancelet, e cosi', en mez a tutta la zent che ne fa el tifo (la coreografia entorno l'e' propri bella) ne cavem i zaini e scocciem per bem anca le pel. E via che se riparte. Con calma, ma costanti. G'avem quasi do ore per arivar a Selva Gardena! Ma le gambe le e' quasi enciodae. Me meraviglio del me compaign che en te l'ultim mess l'ha tolt su i sci 4 volte en tutt per allenarse e ancor el g'ha energia da vender. Per fortuna el me speta e chi, per no pensar massa alla fadiga ne perdem via con quattro ciacere pensando a pope e mureti de zement.... La prima pontera l'e' passada, adess gh'e' n'eterna semisalita fim quasi al pass e quindi l'ultima pontera cattiva de zinque minuti.... qi gh'e' anca zent che per la disperaziom la cava i sci e la salta su a pe'!! Mai zeder! Ghe sem! Zo le pel (e stavolta fago su en giom e me l'enfilo en te le braghe) e zo vers Selva! En realta' per raggiunger la discesa gh'e' da far en toc a skating.... po' finalmente se pol molarla. Ma no podem ancor illuderne de esser arivai: ne speta 3 belle pontere da far a skating! Diaolopo'! Che monzua! Sta Selva Gardena no l'ariva pu'!!! E enveze.... manca sei minuti a mezzanott che ecco i do eroi arrivar enfont!!! Mirko e Matteo i ghe l'ha fatta! Sul traguardo a spetarne gh'e' i soi del Matteo (che i n'ha segui' per tutti i passi) e me cosini Silvano (che l'e' riusi' a serar la gara sotto le 4:40) e Patrick del Ciampac. Arrivo giust a saludarli che rugolo en terra mez minut per i crampi. Veci che soddisfaziom! E adess, vist che manca poc alla chiusura del cancelet de mezzanotte e un quarto aspettem con ansia Max e Claudio che al fotofinish (1 minut al cancell!!!) i ne raggiunge all'arrivo! Grandi! Sem propri tutti contenti e cosi' dopo en salt alle premiaziom (el prim, l'ha fatt el record! 3:19!) ne trem en sala mensa a trar zo en bom piatt de pasta, strudel e birra: sara' sta' la stracada ma fago propri fadiga a trarla zo... Vers le 2 saltem sul furgom e partim vers casa. Alle 4 som za' a Trembelem, ma no per polsar: per i crampi no serero' ocio tutta la not.... pront dopo 3 ore per na bella laorada en cantier...... Bel, Bel, Bel: la gara, no la laorada!






I 4 Sellarondisti al Zuffal Park pronti a saltar sul furgom che.... GH'E' DA NAR!
E chi, za en divisa pronti per nar en te l'arena de partenza!
Ultime meditaziom davanti al campo di partenza.
E qi el Sellaronda stasera l'avem fat propri tutti: mi, Teo, Max, Claudio coi sci e l Sergio e l'Elvira en macchina!
Anca se la fa fadiga a pasar zo, no gh'e' da preoccuparse, che el Kepo alla so biretta nol ghe rinuncia!
El percorso ufficiale del Sellaronda: la partenza e l'arrivo i e' a Selva Gardena. El dislivel (grafico) sel leze bem boc.... tanto basta saer che l'e' tant! 2700m ufficiali, con le varie contropendenze quel effettivo l'e' 2800m!


Ste pagine l'e' stae cargade volte da visitatori dal 3 de agost 2005